買仙股的賽後檢討

最近做咗兩次Miss 羊，即係純靠別人講嘅"TIPS"就分別兩次衝咗去買隻自己完全唔識嘅股票，兩隻不約而同都係仙股。其實我一向嘅買股guideline都係要睇industry前景同埋公司業績，不過今次2單料都好似好信得過，於是乎就唔理三七廿一買咗lu .....

如無記錯，2隻股都唔會喺我個account逗留超過2星期，但喺呢短短的兩個星期，我嘅心情真係十分忐忑不安。因為呢類型股票嘅特性就係大上大落，當佢跌時，你又唔知係咪意味著大升來臨，目標價到岸，定係會無止境咁跌。當佢呢秒鐘升時，你以為TIPS都幾準，點知隨時轉頭去開個會，返嚟話唔埋已經跌咗more than 10% 。雖然唔係買好多，但係嗰種呢秒唔知下秒價嘅心情真係好以忍者話齋 ─ 猶如過高山猶如過谷。

最後得出的結論係：
1. 除非你好得閒，否則都係唔好掂仙股，真係快上快落，只消十數分鐘就可以跌超過10%。
2. 買股票真係要有留意公司的業績同前景，唔好單信TIPS。

3. 記住set止蝕價，並嚴厲執行。

BTW, 我最後係蝕住走啦 ..... 不過，如果你哋將來有TIPS，都不妨彈我知呀，哈哈哈哈哈哈哈哈

希望2007年會係一個豐收年！