成人的世界真複雜

出來工作幾年了，覺得自己越大就越唔識如何與人相處。唔知係因為而家工作壓力實在太大，令我少放點心於同事上；定係工作環境比較多女性，而佢哋大多都係小家碧玉、溫柔可人兒，所以性格男仔頭嘅我唔係好識點同佢哋溝通。說話直接啲一係就好似嚇親人咁，一係就比人以為我吋呀、冇禮貌，我又唔識得籠絡人心，又唔明白點解可以玩埋啲我personally覺得有點幼稚嘅嘢，最緊要係經常性做做吓嘢時玩，仲要玩到好high咁﹝如粉飾公仔呀、貼起TVB周刊一年一度男女主角選舉嘅poster叫同事投票等等﹞！

漸漸地我都講少咗好多嘢同埋冇乜結識朋友了，有時都會唔開心，返工時會覺得寂寞 ........... 真的很嚮往小時候與朋友之間的相處方式，直接、坦率、純真的，或者以前無乜壓力，所以我對人都會用心點吧。