完成蚺蛇尖之行！

經常聽朋友講：「行西頁蚺蛇尖好tough！」我亦因此一直遲遲唔敢去行，因為總係覺得自己未掂，好多時都只係路過蛇腳而已。但未掂還未掂，間唔中都會心思思想去挑戰吓。終於就係喺今日我"的"起心肝，同阿Rick成功地行畢蚺蛇尖之旅！我們用了差不多四小時由北潭凹〈注：係讀au ，唔係lup〉行至赤徑、到大浪坳上蛇尖，然後沿路回頭至赤徑碼頭坐船到黃石。

段路都算辛苦，不過跟我想像的那種不同，我本以為只係好斜，要用好多腳骨力。但原來上蛇尖的路不是非常斜〈雖然都係斜〉，而係有好多碎石。所以行起上來每步都營營役役、舉步維艱，慌死會「線」親跌落山咁。

我生日時願望自己可以坐言起行、積極做人，可能只係過咗生日冇耐，我到而家仲好似好積極咁去實踐自己各個小小嘅夢想。有好幾樣嘢都做到，如早點睡早點起〈註：以小女子的標準〉。做到之後真係好happy！無論如何，能夠完成一個夢想實是人生一大樂事。Keep it up!