執子之手、與子偕老

今個月13同14號係我高中時代兩個好朋友結婚﹝唔係一齊結，而係各有各，13號係阿柴，14號係阿云﹞，先祝佢哋兩對新人恩恩愛愛，同偕白首。

數吓數吓，到目前為止都至少有十個高中同學結咗婚﹝都三分一﹞。見到啲同學一個一個咁結婚，感覺都幾得意，好感覺到自己真係大啦。好似係一個reminder，成年人了，要做成年事。其實我覺得自己一直都仲係停留喺20出頭嘅心境，唔夠成熟。又或者係自己仲未曉接受或未懂得 perform as 一個快30的人，總係覺得自己一事無成﹝唔係泛指事業，而係包括健康、對人處事、嗜好、生活習慣等等﹞，好失敗咁。我想自己可以不斷進步，討厭落後的感覺。好，我要比多啲心機去做好啲，至少要對得住自己，要令自己滿意。

我以前每年都會為自己訂立一啲目標，今年好似冇咗回事，好，等我好好諗吓自己想今年 achieve 到啲乜先。﹝嘩，而家都6月嚟緊，hehe，唔緊要，有心唔怕遲！)