夢。三千萬金多寶

今日又有金多寶，成三千萬，如果中咗真係可以好型咁立即辭職唔撈。本來都唔記得咗，不過截止前十五分鐘聽阿方先生講起，於是孚氣沖沖由公司走去旺角道投注站買六合彩。心諗咁都比我臨尾買到，點都有個獎啩。最後仲要唔覺唔覺買咗成 $50 ﹝我一向都冇買六合彩嘅習慣，$50對我嚟講係好多﹞。

最後結果？十條入面只有2條中咗一個字，係一個字。$50 化為烏有。雖然我中唔到金多寶，仲要繼續做牛做馬，不過我都有問過自己，如果真係咁好彩比我中咗頭獎，我會點呢？係唔係真係會立即唔撈呢？諗落又未必喎，因為工作比到我嘅滿足感同埋經驗，唔係蚊年可以買到。例如公司有啲衰人嘅行為，真係要喺工作環境先會特別容易遇到。而亦只有比我有機會遇到呢啲人，我先懂得分辨佢哋同埋小心佢哋。

唉！講多無謂，中金多寶？都係諗吓啫，貪得意玩吓無妨，千萬唔好沉迷。我今次中唔到，只有繼續開工啦！